0:00
Hasrin Z Bersah
Takengon-satupena.co.id
Serap ni baur terang teridah
Nguk gere telas si arap ni umah
Bier belumpe renye sawah
Nguk gere telangkah si betotor besi
Arap ni mata gere bererah
Bierpe buet olok nge mukunah
Gere siteturuh behu orom gagah
Percume i pepegah ke gere berani
Pulang ari mujule petuah
Tene mubukti wan kertas serilah
Ku siberingi gere muamanah
Gere terosah kin buah jari
Gelah mugune jimet siosah
I dema kire ku si turah
Enti i pangka gere melar arah
Udah murulah mulak ku diri
Kune male salah betegah
Ke gere tekowa buet salah
Kenaken benar male bepapah
Sinamat amanah galip temuni
Dele cara ike male munetah
Rempak kunul renye musyawarah
Ikepe beleno enti sampe mutewah
Gere ku rebah kati nguk len gunei
Takengen, 23 Februari 2025
