0:00
Takengon-satupena.co.id
Hasrin Z Bersah
Seserahene tiwel semelah
Patut murulah sentan nyang matanlo
Gerene sangup rembege benemah
Nge mutetewah ralan mugelo
Menep-nep mejen teridah
Mata juah pusesino
Sekutu nengone nge sawah
Wan uren serlah gati punenimo
Dele ke die si munosah
Kati pupepegah gerene tetuho
Nge ke betih kelumit orom belatah
Keta ipepilah enti isesoro
Pora kona porak renye mesalah
Bewene salah bariksana ikune
Sapur bang mata i wan munerah
Kati sana siosah mehne nume
Parut ke nge mujadi ugah
Nyanya pulih ikepe berajah
Timul mien barah mujadi luke
Nge kin nemah temetap wan rembege
Pejanyin si nge tersurah
Orop wan awah tene setie
Demu ni hakiket tekala mubeda arah
Berulon-ulon sawah ku duduk ni tenge
Teluk Seumawe, 29 Mei 2025
